فـدوة عـيـونـــــــك

[ذات الخمار]

السلام عليكم ورحمه الله وبركاته
فدوه عيونك
فدوه عيونك لو غدت روح مغليك.... وش عاد لو راحت لعينك عشـاير
أبيع مايغلى على الكون واشريك ..واسوق لى جتنى علومك بشاير
وازعل حميع الناس بالحيل وارضيك ..... واصبر ولو دارت علي الدواير
وأخذ من ايامي لك ايام واعطيك ...... وان راح عمري لك فلا هو خساير
أحب انا شوفك وصوتك وطاريك ......دايم وفكري فيك هايم وحاير
بالصمت أهوجس بك وبالصوت أناديك .....والله عليم البينه والسراير
أنا وقلبي والهوى بين أياديك .........عندك مفاتيح الهنا للضماير
من روحي احبك ومن روحي افديك ...يامن غرامه والحسن فيه ثاير
وسلامتكم
من راوائع خالد الفيصل

[السلطان]

عليكم السلام ..

كلام شاعري وكبير من شخص يملك حس عالي في نظم القوافي ..

الأمير الشاعر دايم السيف شهدت له قصائدة الكثير والكبيرة ..

شكرا ذات الخمار على هذا الاختيار ..

[ذات الخمار]

السلطان
مشكور ياذوق على مشاركتك وقرائتك للقصيده
دمت بسلام

[المعنَّى]

السلام عليكم ..

إحساس الأمير الشاعر دايم السيف / خالد الفيصل مرهف ..

وقصائدة دائماً من أعماقه بإحساس شاعري بحت ..

سلسلة من القصائد الرائعة له تنم عن شاعر كبير ..

أنا من محبي الأمير الشاعر خالد الفيصل وشعره ..

شكرا مراقبتنا على هذا الاختيار الرائع ..