# عزتي ثارت #

[ريم العالمي]

بسم الله الرحمن الرحيم

السلام عليكم ورحمة الله وبركاته


أحببت أن أشارك بواحدة من قصائدي في هذا القسم الذي أحبه ..


(عزتي ثارت)

إن كان ظنك هروج الكذب بأرضاها ** فأنا طعون الصدق أهون لو هي تجيني

مليت كذب الناس ظنيتك أوفاها ** كنت أتحرى فيك صدق ينعش سنيني

أظْـلـَم كذب غيري سنين العمر واطفاها ** كنت احسبك شمعه اعرف بنورها ويني

ما كنت اظن الحكي وياك فرحه بكره انساها ** أثاريني أجيك بصدق وانت بكذبه تجيني

كفايه كم رجيت العمر ، أبعرف وين بلقاها ** أبعرف وينه اللي على مرسى الحب يرسيني

كفاني دام هالدنيا تجي عكس اللي أبغاها ** وصل شعري إلى حدّه ووقف دمي بشراييني

واحس ان عزتي ثارت من اقصاها إلى ادناها ** يعاتبني على الموقف ويسأل وش حصل فيني

وانا اللي عالين قدري وصفاتي صعب يلقاها ** انا الوجدان ، وانا الطيب والحب عناويني

انا اللي لو تحط الأرض مع جبالها وماها ** في كفه وانا بكفه ، انا ترجح موازيني

وإذا خانت جميع الناس انا يلقاني اوفاها ** لأن الصدق هو طبعي ومني وفيني

فإذا ودك نكون احباب هروج الكذب ما ابغاها ** خلّ الصدق من طبعك مثل ماهو طبع فيني

وسلامتكم

أختكم/ ريم العالمي
http://www.almobd3en.net/Wolf/F.gif

[صاحبة الفخامه]

الـــــــــــــلــــــــــــــــــــه


قمة بالروعه والجمال ياريم

اذهلتني كلماتني واستوقفتني كثير بجد ابداع فاق كل ابداااااااااااااااااااع

فديتك والله وفديت وفاكي يالغاليه بزمن استصعب تجد فيه وفي القلب والحب والعاطفه

تقبلي مروري بمتصفحكي الرااااااااائع

[ريم العالمي]

الله عليكِ أنتي يالغاليه على جمال ردك ، وطيب روحك ، ونعومة قلمك ..

أحييكِ من أعماقي على إطرائكِ الجميل ..

أختكِ/ ريم العالمي
http://www.almobd3en.net/Wolf/F.gif