كح كح / احس اني غبرت /

[الروح المسافره]

السلام عليكم ورحمه الله وبركاته
كيفكم اخباركم وش علومكم عساكم بخير
حلفت لا احد يقوم انا مو غريبه من حمام الدار
اتشوووووووووووو<<<< عطست عن جد مو مزح
الحمد لله
جد اشتقنا لكم واكيد اشتقتوا لي
وش رايكم بالاستايل الجديد صح حلو
ماراح اقولكم منو انا عشانكم اكيد نا سيني بس اول ما دخلت وشفت كراثه وذات الخمار وفراس قلت ياااااااقدمهم لسى عايشين
ولا المعنى الله يطول بعمره
ياكثر هذري هذي انا اذا بديت بديت واذا انقطعت ما بي ملح
المهم دخلت اسلم عليكم واقولكم وحشتووووووووووني موت
لي عوده قريبه راح تحصلوني حصريا على منتديات المعني ولاول مره
<<<<<<< اقول ما تبين تتوكلين خلاص هذر صدق لا قالوا حريم
استودعكم الله
واشوفكم على خير وتصبحوووووون على صحه وعافيه ومازولا عشانه حبيب القلب
الا على فكره وش صار بمنتدى الطبخ ما زلتوا تجيبون اكلات زينه عاد جاء رمضان الله يبلغنا واياكم صيامه وقيامه واكل سمبوساته
سلااااااااااااااااااام وخير ختام الصلاه على النبي المختار

[المعنَّى]

عليكم السلام ورحمة الله وبركاته ..

الروح المسافره ...

حللتِ أهلاً ووطئت سهلا ..

مرحباً بكِ وبهذه العوده ..

حمداً لله على سلامتك ..

والله المنتدى واللي فيه اشتاقوا لك ..

( لكن ما تلاحظين انتس جايه تمشين الف )

وغبرتي علينا ..

الله يستر عليتس

على العموم شرفتينا بالعوده ..

ونتطلع نحن أعضاء المنتدى بشوق لطرحكِ ..

اهلا وسهــــــــــــلا

تحياتي

[المتفائــــــل]

السلام عليكم ورحمة الله وبركاته



الاخت العزيزه شـ 000


اقصد الروح المسافره


<<<< موب كنه فضحهـــا :p


هلا وغلا بعودتك لاسرتك اعضاء المنتدى

والحمد لله على السلامه 0 ماشاء الله ماتطلعين الا من رمضان لرمضان

وعودا حميد 00 نورتي المنتدى بطلتك


هلا بك

[الروح المسافره]

السلام عليكم ورحمه الله

تسلم اخوي المعنى على سرعه ترحيبك لزوارك
دايم تحسسنا انك انت الضيف وحنا اهل الدار
الله مير يسلمك
وبعدين اذا تبي اهدي ابشر بديور وارجع من الي انا جيت منه

اصلا ما تدري بعت السيكل والله رزقني بفليسات وشريت دباب صح انه موب جديد بس يعجبك بسرعته وجيت افحط عليكم واكشخ (حشا همر موب دباب )
والشرف لي وانا اختك وربي فرحت من رجعت وحصلت الاعضاء هم هم ما تغيرو بل زادو وربي يزيد ويبارك وبعد بكرا مدارس <<<< جاء النكد فكيف ستستقبلوه( ماتلاحظون انه فعلا موضوع بس يبغاله واحد كوووول بالكتابه يكتب عنه )

عموما راح تملون مني ومن سوالفي

برررررررررررر ولنا عوده رررررررررررررب

[الروح المسافره]

هلا وغلا ومرحبتين

كح كح كح
انت لسى بعد عايش

تسلم ياذوق على الترحيب

ماشاء الله عليك ذاكره وقوت ملاحظه موب على احد

<<<<<< راح تندم انك فضحتها عطتك عين ما تسوى والله عليك

وش اخبارك الا المتفائل وعلومك واخبار المنتدى وبعدين تعرف هلال رمضان بالسنه مره يطلع والله يسلم السنبوسه والقيمات الي جابتني لكم

وبعدين مثل ما يقول توقيع المعنى ( حلاة الشي ندرة وجوده )
<<<<<< ابوك يالغرور قومي بس قومي
والمنتدى منور بنور مضوينه

الا تعال المتفائل
الف الف مبروك على المراقب العام بس عاد اغفل عني تكفى
وعقبال ما تكون صاحب الموقع والمشرف العام
<<<<<<< ياويلها من المعنى بيفصلها شكله
تصدق عاد يالمتفائل كنت لسى بكتب وارشحك انك تكون مشرف على روم الالغاز بس من رجعت لردك لقيتك مراقب تستاهل وانا اختك وعقبالي

سلااااااااام وين الباقين يعني صدقتوا من قلت لا يقوم احد

على بالي بتسوون لي حفله وذيك الطرطه والشموع والطراطيع
اهئ اهئ اهئ <<<<<< تبكي بس الوضع المتقدم رفض يفتح وياي ولا كان حطيت لكم وجيه تعبيريه
ياكثر هذري والله توني اكتشف
بسم الله شكلي بنحت روحي اذكروا الله
سلاااااااام اخير مابعده اي تاخير

[PRINCE]

الحمد لله على السلامة

و عودة قوية